E demanda que a nova terminal entre en funcionamento “ao cen por cen” cando se inaugure

A Cámara de Comercio Industria e Navegación de Santiago reivindica un aeroporto activo e competitivo en 2011, para o que considera “esencial” o respaldo das Administracións públicas. O pleno cameral quere destacar a preponderancia de Lavacolla con datos “que son definitivos e rotundos, xa que move a metade dos viaxeiros dos tres aeroportos galegos e, ademais, Santiago é a principal porta de entrada e saída dos turistas da comunidade”. Teima en que Lavacolla pechou o ano batendo o seu propio récord histórico ao sumar 2,1 millóns de pasaxeiros aproximadamente, e engade que leva meses con crecementos “moi significativos” que apuntan a unha “progresión sostida”.

Ler máis: A Cámara de Comercio reivindica un aeroporto activo e competitivo para o que considera “esencial”...

Os plenarios, viveiristas e persoal da entidade cameral peregrinaron hoxe desde o Monte do Gozo para despedir o Ano Xacobeo

A Cámara de Comercio de Santiago de Compostela ao completo, plenarios, viveiristas e persoal, peregrinaron hoxe desde o Monte do Gozo ata o Obradorio para despedir o Ano Santo. Asistiron á misa do peregrino, onde o seu presidente, Jesús Asorey, pronunciou unha emotiva invocación ao Apóstolo.

Ler máis: A Cámara de Comercio de Santiago pide axuda ao Apóstolo para superar as dificultades no camiño da...

Non entende como se priman outros aeroportos “onde o gasto público é moito maior”

Defende a conexión italiana porque os italianos figuran entre os “primeiros clientes” europeos

A Cámara de Comercio de Santiago manifesta a súa disconformidade co mapa de rutas aéreas subvencionado pola Xunta de Galicia: “Non nos parece xusto o trato que se lle dá a Santiago. Non entendemos como se priman outros aeroportos, onde o gasto público é moito maior e sabendo que a súa rendibilidade é moito menor”. Advirte de que os italianos figuran entre os primeiros clientes a nivel europeo e declara que “Roma, ou temporalmente Milán, é un destino fundamental, e agora quedamos sen unha conexión que funcionaba completa”. A entidade explica que é “esencial” ter vóos en inverno cara a desestacionalizar o turismo; e engade que, malia as discrepancias que a Xunta de Galicia puidese ter con Ryanair, “pensamos que é a compañía máis rendible e turística, porque é a única que mantén os vóos todo o ano, mentres as outras só operan nos meses máis rendibles”.

Ler máis: A Cámara de Comercio de Santiago manifesta a súa disconformidade co mapa de rutas aéreas

Este galardón recoñece o esforzo que realizan as empresas da cidade no proceso de normalización da lingua

A entrega de premios celebrarase esta noite, ás 21:30 horas no hotel Araguaney

O Concello e a Cámara de Comercio de Santiago de Compostela entregan esta noite, ás 21:30 horas no Hotel Araguaney, os galardóns da décimo primeira edición dos Premios Manuel Beiras. No acto e cea de gala estarán presentes o alcalde de Santiago, Xosé Sánchez Bugallo; o presidente da Cámara de Comercio, Jesús Asorey Carril; a concelleira de Participación Cidadá  e Normalización Lingüística, Guadalupe Rodríguez Silva; e o vicepresidente da entidade cameral, Evaristo Rodríguez Carracedo; entre outras personalidades de Compostela.

Ler máis: O gabinete Novi Ius Avogados, o restaurante O Dezaseis e Atlántica de Información e Comunicación...