A Delegación da Coruña do Colexio de Arquitectos expón a obra de Antonio Tenreiro pertencente a colección da entidade

É unha primeira mostra con cinco óleos e dúas acuarelas do pintor e arquitecto coruñés

Inaugurarase o venres, día 30, ás 13:15 horas

A Delegación da Coruña do Colexio de Arquitectos de Galicia (rúa Federico Tapia, 64) inaugurará este venres, día 30, unha exposición do pintor e arquitecto coruñés Antonio Tenreiro (A Coruña, 1923-2006), ás 13:15 horas. A mostra estará composta por cinco óleos das súas mellores épocas pictóricas e dúas acuarelas dos anos 50 que pertencen á colección do Colexio de Arquitectos de Galicia. Ao acto de inauguración asistirán o presidente da Delegación da Coruña do Colexio de Arquitectos, Carlos Pita, outros membros da directiva e a viúva de Tenreiro, Isabel Vázquez.

Ler máis: A Delegación da Coruña do Colexio de Arquitectos expón a obra de Antonio Tenreiro pertencente a...

Unha ollada do fotógrafo Vari Caramés retrata obras do arquitecto Carlos Quintáns

Son imaxes dos arredores da Coruña, Paderne ou Barreiros que narran a inserción da arquitectura nunha paisaxe galega caracterizada pola temperatura e a humidade

As fotografías expóñense nunha mostra na Delegación da Coruña do Colexio de Arquitectos ata o 11 de abril

A Delegación da Coruña do Colexio de Arquitectos de Galicia (rúa Federico Tapia, 64) inaugurará esta tarde, ás 20:00 horas na súa sala de exposición, a mostra de fotografías “Paisaxes Próximas”, onde se recollen imaxes de obras do arquitecto Carlos Quintáns tiradas polo fotógrafo Vari Caramés. Ao acto de inauguración asistirán o tesoureiro da delegación, Jorge Meijide, e a secretaria da institución, Concepción García.

Ler máis: Unha ollada do fotógrafo Vari Caramés retrata obras do arquitecto Carlos Quintáns

Os arquitectos da provincia de Pontevedra premian obras e proxectos de Vigo, Nigrán, Pontevedra, Vilagarcía, Vilanova, Mos e Redondela cos galardóns Gran de Area

Son premios que priman a calidade arquitectónica do labor de arquitectos, promotores, construtores e aparelladores, organizados polas Delegacións de Vigo e Pontevedra

•    Nesta décimo primeira edición presentáronse 53 propostas de diversas escalas e localizacións
•    Durante este mes celebrarase unha entrega de diplomas en Vigo e un ciclo de conferencias nos meses de outubro e novembro

O decano do Colexio de Arquitectos de Galicia, Antonio Maroño, fixo público hoxe o fallo da décimo primeira edición dos premios Gran de Area de aportación a Arquitectura 2013, que organizan conxuntamente as Delegacións de Vigo e Pontevedra do Colexio de Arquitectos. O acto tivo lugar na sede viguesa, no marco da Xunta de Goberno da institución, no que participaron os presidentes das delegacións de Vigo, Antonio Davila, e Pontevedra, Manuel Abelleira.

Ler máis: Os arquitectos da provincia de Pontevedra premian obras e proxectos de Vigo, Nigrán, Pontevedra,...

A Delegación de Vigo do Colexio de Arquitectos apoia a protección dos valores “naturais, paisaxísticos, sociais e arqueolóxicos” da Serra do Galiñeiro

Salientan que hai proxectos sectorias que ameazan o desenvolvemento sostible das actividades agrarias, deportivas, culturais e de turismo

A Delegación de Vigo do Colexio de Arquitectos de Galicia ofrece o seu respaldo á protección da Serra do Galiñeiro, unha localización natural que se estende polos concellos de Vigo, Mos, Gondomar, O Porriño e Tui, e que constitúe xunto coa ría “o referente fundamental na paisaxe da comarca”, –destacan–.

Ler máis: A Delegación de Vigo do Colexio de Arquitectos apoia a protección dos valores “naturais,...

Os estudios composteláns Abalo Alonso e Nómada son finalistas dos premios internacionais APlus 2013

escolaourenseAs obras seleccionadas foron unha escola infantil no Campus universitario de Ourense e a cantina da Cidade da Cultura de Galicia

Os gañadores daranse a coñecer nunha gala que se celebrará o próximo xoves en Barcelona

Os estudios de arquitectura composteláns Abalo Alonso e Estudio Nómada son finalistas dos Premios Arquitectura Plus 2013 (APlus). Nesta cuarta edición presentáronse 107 proxectos enviados por 62 estudios de arquitectura. O xurado seleccionou 26 propostas finalistas nas categorías de espazos públicos e infraestruturas, edificos para o traballo, edificios para a educación, arquitectura deportiva e cultural, vivenda de promoción pública ou privada, arquitectura sanitaria, hoteleira, sostible e efémera –tres obras por categoría–, ademais dos premios extraordinarios A+ á mellor traxectoria profesional, que recaeu no arquitecto Carme Pinós,  e ao estudio xove de arquitectura máis prometedor, que foi para o despacho H Arquitectes.