A Cámara de Comercio de Santiago lanza tres cursos formativos sobre contabilidade, atención ao cliente e comunicación empresarial

Detalles

Categoría: Cámara Santiago

Published: Luns, 04 Marzo 2013 10:40

Escrito por Eva

Visitas: 440

Impartiranse a semana próxima nas aulas formativas da entidade

A Cámara de Comercio de Santiago de Compostela impartirá a semana próxima tres cursos formativos relacionados coa contabilidade, atención ao cliente e comunicación empresarial. O luns, 11 de marzo, a entidade cameral inaugurará nas súas aulas formativas un curso de contabilidade financeira informatizada onde os alumnos adquirirán coñecementos para levar as contas dunha empresa.

Ler máis: A Cámara de Comercio de Santiago lanza tres cursos formativos sobre contabilidade, atención ao...

A Cámara de Comercio de Santiago acolleu onte a entrega de diplomas de dez cursos de comercio exterior realizados en colaboración coa Axencia Local de Colocación

Detalles

Categoría: Cámara Santiago

Published: Mércores, 27 Febreiro 2013 11:16

Escrito por Eva

Visitas: 399

A Cámara de Comercio de Santiago acolleu onte martes a entrega de diplomas dos cursos de comercio exterior realizados pola entidade cameral en colaboración coa Axencia Local de Colocación. O acto estivo presidido polo presidente da Cámara, Jesús Asorey; a concelleira María Castelao; e o secretario xeral da Cámara, Fernando Barros.

Ler máis: A Cámara de Comercio de Santiago acolleu onte a entrega de diplomas de dez cursos de comercio...

A incubadora da Cámara de Comercio de Santiago ofrece o luns unha sesión sobre técnicas de comunicación empresarial

Detalles

Categoría: Cámara Santiago

Published: Venres, 01 Marzo 2013 23:00

Escrito por Eva

Visitas: 472

A formadora Paula Fernández de Pisa impartirá esta xornada entre as 9:00 e as 14:00 horas

O viveiro de empresas da Cámara de Comercio de Santiago (Polígono de Costa Vella. Rúa República Checa, 40) organiza unha sesión formativa gratuíta, titulada “Do laboratorio ao mercado”, unha xornada promovida pola Cámara de Comercio de Oviedo, en colaboración coas Cámaras de Comercio de Santiago e Zaragoza, as Universidades de Santiago e Oviedo e financiado polo Ministerio de Industria, Energía y Turismo. Celebrarase este luns, 4 de marzo, entre as 9:00 e as 14:00 horas. A responsable de impartir esta xornada será Paula Fernández de Pisa, da consultora Pisa. Proyectos de Innovación.

Ler máis: A incubadora da Cámara de Comercio de Santiago ofrece o luns unha sesión sobre técnicas de...

O viveiro de empresas organiza mañá un taller para contaxiar o éxito empresarial aos emprendedores

Detalles

Categoría: Cámara Santiago

Published: Sábado, 23 Febreiro 2013 23:00

Escrito por Eva

Visitas: 446

A incubadora recibirá pola tarde a visita dun grupo de corenta mozos dun intercambio xuvenil europeo do programa Juventud en Acción

O viveiro de empresas da Cámara de Comercio de Santiago (Polígono de Costa Vella, rúa República Checa, 40) presenta mañá luns, 25 de febreiro, un taller para emprendedores en busca do éxito empresarial. O responsable de impartir a conferencia, que se celebrará ás 20:00 horas, será o consultor e formador da empresa López Marketing, David López.

Este taller está destinado a emprendedores, comerciais de pemes e grandes empresas. A súa finalidade é explicar de que depende a viabilidade dun proxecto empresarial. Segundo David López, hai dúas emocións básicas que definen o éxito dun negocio, a pasión e o medo. A capacidade de xestionar as emocións por parte do emprendedor definirá o resultado. Ademais, o experto apunta que hai outra variable que afecta á prosperidade dunha empresa, o arte de vender. “O punto débil dos comerciais é salvar obxeccións para pechar ventas, unha serie de obstáculos que só implican unha pequena parte de tempo e esforzo pero supoñen o 100% dos ingresos” –indica–.

Novos emprendedores europeos

Por outra parte, o viveiro de Costa Vella recibirá mañá, ás 17:00 horas, a corenta mozos e mozas participantes nun proxecto de intercambio xuvenil europeo, “Jóvenes emprendedores”, financiado polo programa Juventud en Acción en colaboración coa Asociación Xuvenil Fusquenlla. Este grupo de mozos, procedentes de Kirsehir (Turquía), Giulianova (Italia), Paszto (Hungría) e Figueira de Foz (Potugal) coñecerán o funcionamento da incubadora empresarial da man da súa responsable, Rosa Cardeso. Durante a visita, os rapaces terán a posibilidade de entrevistarse cos actuais emprendedores instalados e coñecer os seus inicios como empresarios para despertar o seu espírito emprendedor.