A Concellaría de Xuventude inaugura esta tarde unha exposición fotográfica cos mellores momentos dos concertos do MúsicaXove 2009

Detalles

Categoría: Xuventude Concello Santiago

Published: Mércores, 10 Febreiro 2010 00:00

Visitas: 894

O concelleiro de Xuventude de Santiago de Compostela, Xosé Baqueiro, inaugura esta tarde ás 20:00 horas no Centro Sociocultural e Xuvenil municipal O Ensanche a exposción fotográfica do 2º Certame MúsicaXove’09. O acto contará coa presenza do autor das imaxes, o fotógrafo Andrés Fraga.

O certame, convocado polo Departamento de Xuventude, creouse co obxectico de promocionar, impulsar e canalizar a creatividade musical dos xoves. O concurso ten como destinatarios aos artistas emerxentes que manteñen a súa actividade en Galicia, e acolle en cada edición unha exposición que mostra a creatividade musical daqueles grupos que participaron no concurso e chegaron á selección final, dando a coñecer diferentes propostas musicais nas modalidades de:

A exposición conta con 48 fotos en color de cada unha das fases finais do certame, con todos os grupos finalistas por categorías. Trátase dunha exposición do fotógrafo Andrés Fraga. As instantáneas captan o mellor de cada un dos concertos, con imaxes impactantes do bo facer de cada un dos grupos enriba do escenario da Sala Capitol.

Andrés Fraga (Panxón, 1982) comezou a descubrir o mundo da fotografía desde moi novo a través da afición dos seus pais. As súas primeiroas fotografías relizounas cunha vella réflex nos montes da súa contorna. Máis tarde viaxou a Barcelona para estudar fotografía na antiga Escola de Fotografía da UPC (agora CITM). De alí, Fraga mudou a Finlandia, onde, ademais de rematar o proxecto final, coñeceu a varios dos grandes fotógrafos e unha maneira moi diferente de traballar a imaxe. Tempo despois volta a Santiago, onde colabora co xornal El País-Galicia, ademais de continuar co traballo en  revistas finlandesas na Península Ibérica e en Sudamérica. Encargos para arquitectos e deseñadores gráficos enchen o resto da súa xornada laboral.