A Concellaría de Festas de Santiago recoñece a participación activa de tres comparsas durante máis de vinte anos no Antroido compostelán

Un ano máis, a Concellaría de Festas fai un chamamento aos veciños de Compostela para convidalos a participar nas actividades do Antroido. O concelleiro de Festas, Xosé Baqueiro, anima a todos os habituais dos disfraces e a troula en xeral a participar no desfile da popular festa de Antroido do martes-16 de febreiro, cuxa inscrición finaliza o véspera ás 14 horas. A delegación de Baqueiro presentará o programa deste ano, cuxas datas son do 13 ao 17 de febreiro, o próximo martes-9 no Teatro Principal.

A recuperación do carnaval urbano en Santiago data de finais dos anos oitenta, onde durante este tempo se consolidou como unha das “citas imprescincibles e máis participativas” do calendario festivo local, segundo explica Xosé Baqueiro. Por esta razón, a Concellaría de Festas quere expresar a súa gratitude á cidadanía cun recoñecemento público a tres comparsas que, de forma activa e continuada, animan as rúas de Compostela dende hai vinte anos: Os Conformistas de Conxo, A Ruliña de Laraño e Os Garanduxos. O vindeiro martes-9, na presentación do programa, o edil Baqueiro fará explícita a distinción.

Ler máis: A Concellaría de Festas de Santiago recoñece a participación activa de tres comparsas durante máis...

A Concellaría de Festas invita a todos os veciños de Compostela a participar no popular desfile do martes de Antroido, con disfraces orixinais e carrozas de impresión

Un ano máis, a Concellaría  de Festas fai un chamamento aos veciños de Compostela para convidalos a participar nas actividades do Antroido. O concelleiro de Festas, Xosé Baqueiro, anima a todos os habituais dos disfraces e a troula en xeral a participar no desfile da popular festa de Antroido do martes-16 de febreiro, que require inscrición previa. O departamento de Baqueiro está ultimando os detalles para os festexos, que se desenvolverán entre os días 13 e 17 de febreiro.

A novidade deste ano é que se instaura unha nova categoría nos premios, dedicada a barrios e parroquias de Santiago. Serán tres galardóns dotados con 600, 450 e 300 euros respectivamente. Segundo a Concellaría, trátase dun aliciente máis para participar e enriquecer a convivencia cidadá nunha xornada festiva tan sinalada.

Ler máis: A Concellaría de Festas invita a todos os veciños de Compostela a participar no popular desfile do...