Alumnos da Escola de Altos Estudos Musicais ofrecen mañá martes un novo concerto no Paraninfo da Universidade de Santiago

Detalles

Categoría: Consorcio de Santiago

Published: Luns, 18 Mai 2015 16:19

Escrito por Eva

Visitas: 367

A entrada desta actuación é gratuíta ata completar aforo

A Escola de Altos Estudos Musicais (EAEM) ten en marcha a iniciativa “A Escola na Cidade”, un ciclo de concertos de música de cámara interpretados polos alumnos do Curso Avanzado de Especialización Orquestral do centro. As entradas destas actuacións son gratuítas ata completar aforo.

No marco deste programa, mañá martes, 19 de maio, ás 20:00 horas, os rapaces ofrecerán un novo concerto no Paraninfo da Universidade de Santiago, na facultade de Xeografía e Historia. En primeiro lugar actuará o violinista Cibrán Seixo, que interpretará o Concerto para violín nº 5 de Mozart e o Concerto para violín en Re menor do compositor finés do século XX Jean Sibelius, acompañado da pianista Simona Velikova.

A cita musical continuará coa actuación do violista Santos Moraleda, que achegará ao público Märchenbilder de Robert Schumann, xunto á pianista Simona Velikova. E o concerto rematará coa Sonata en La maior do compositor e organista francés de orixe belga César Franck, interpretada ao violoncello pola alumna Nuria González e Eriko Ishimoto ao piano.