Podólogos procedentes de toda Galicia formarán parte do dispositivo médico do primeiro maratón galego, que se celebra este domingo na Coruña
- Detalles
- Categoría: Colexio de Podólogos
- Published: Xoves, 12 Abril 2012 23:00
- Escrito por Azucena
- Visitas: 637
O Colexio de Podólogos alerta da situación irregular que supón que tendas de deporte fagan diagnósticos de “pronador” e “supinador”, cos consecuentes riscos para os afectados
O Colexio Oficial de Podólogos de Galicia colabora no primeiro maratón galego, que se celebra este domingo na cidade da Coruña. Formarán parte do dispositivo médico da proba, para o que se habilitará unha carpa nas inmediacións da meta. Un total de vinte profesionais procedentes de toda Galicia integrarán o equipo de podólogos que asistirá aos participantes que o precisen tanto durante como despois da carreira. Dende o Colexio informan de que os estudantes desta especialidade tamén poderán acudir para coñecer de preto como traballan os profesionais neste tipo de situacións.