O venres celébrase en Santiago a Olimpíada Galega de Bioloxía, na que participarán 106 alumnos de bacharelato de 33 institutos de toda Galicia

Detalles

Categoría: Colexio Biólogos Galicia

Published: Domingo, 09 Xaneiro 2011 23:00

Escrito por Azucena

Visitas: 777

Nas probas competirán 54 estudantes da provincia da Coruña, 37 de Pontevedra, 8 de Lugo e 7 de Ourense

Por sexto ano consecutivo celébrase a Olimpíada Galega de Bioloxía, que terá lugar o vindeiro venres, día 14, na Facultade de Bioloxía da Universidade de Santiago. Este certame diríxese aos estudantes de segundo curso de bacharelato e na súa organización colaboran o Colexio Oficial de Biólogos de Galicia -COBGA-, as tres universidades galegas e a Xunta de Galicia.

Os biólogos de Galicia mostran a súa satisfacción polo nivel que teñen os alumnos galegos de Secundaria en ciencias, tal como se recolle no último Informe Pisa

Detalles

Categoría: Colexio Biólogos Galicia

Published: Martes, 28 Decembro 2010 23:00

Escrito por Azucena

Visitas: 704

De tódolos xeitos, consideran que a ensinanza das ciencias require máis recursos humanos e materiais

O Informe PISA -Programa para a Avaliación Internacional de Alumnos- examina ata que punto os estudantes que están a rematar a educación obrigatoria teñen adquirido algúns dos coñecementos e habilidades necesarios para a súa “participación plena” na sociedade do saber. En concreto, mídese a competencia dos alumnos de 15 anos en lectura, matemáticas e ciencias; ao tempo que se analiza unha ampla gama de resultados educativos, como a motivación dos rapaces por aprender, a concepción que teñen sobre si mesmos e sobre as súas estratexias de aprendizaxe. Nesta iniciativa, promovida pola Organización para a Cooperación e o Desenvolvemento Económico e que se realiza cada tres anos, participan tódolos estados membros da OCDE, así como varios países asociados.

Os biólogos de Galicia mostran o seu rexeitamento aos recortes en I+D+i que sufriu a comunidade e solicitan máis recursos para a contratación e estabilización de investigadores

Detalles

Categoría: Colexio Biólogos Galicia

Published: Luns, 03 Xaneiro 2011 23:00

Escrito por Azucena

Visitas: 701

Consideran que a investigación pode aportar solucións diferentes e innovadoras para superar a actual crise económica

O Colexio Oficial de Biólogos de Galicia -COBGA- únese ao rexeitamento que xa teñen manifestado diversos colectivos de investigadores e centros sobre os recortes en I+D+i na comunidade galega. Así, solicitan ás autoridades competentes “que modifiquen as súas políticas presupostarias sobre a investigación, destinando máis recursos á contratación e estabilización de investigadores, á mellora das infraestruturas científicas e a medios materiais, así como unha dotación de recursos presupostarios suficientes e estable que permita e garanta a investigación na nosa comunidade”. Consideran que “o resultado revertirá de xeito moi positivo no tecido social de Galicia, mediante a xeración de riqueza, a creación de postos de traballo e de novos nichos de mercado”.

Máis de 100 estudantes de 30 centros de ensino secundario de toda Galicia xa se inscribiron na VI Olimpíada Galega de Bioloxía

Detalles

Categoría: Colexio Biólogos Galicia

Published: Domingo, 14 Novembro 2010 23:00

Escrito por Azucena

Visitas: 805

O certame, que se celebrará a principios do vindeiro ano en Santiago, diríxese a estudantes de segundo de bacharelato

O vindeiro mes de xaneiro, o día 14, celébrase a Olimpíada Galega de Bioloxía. Estas probas, que xa cumpren a súa sexta edición, realizaranse este ano na Facultade de Bioloxía da Universidade de Santiago. O certame diríxese aos alumnos que cursan segundo de bacharelato. Na súa organización colaboran o Colexio Oficial de Biólogos de Galicia -COBGA-, as tres universidades galegas (A Coruña, Santiago e Vigo) e a Xunta de Galicia.