O Colexio de Arquitectos de Galicia ofreceu hoxe unha xornada sobre a nova normativa de habitabilidade á que asistiron máis de 120 profesionais da arquitectura

Xornada_Normativa
A seguinte cita será mañá na Coruña – Auditorio da Fundación CaixaGalicia – , para acabar o próximo 4 de maio en Vigo


O Colexio Oficial de Arquitectos de Galicia (COAG) ofreceu esta tarde no Centro Social Caixanova de Santiago unha xornada técnica sobre as “Novas Normas de Habitabilidade de Vivendas en Galicia”, en colaboración co Instituto Galego de Vivenda e Solo (IGVS).

Ler máis: O Colexio de Arquitectos de Galicia ofreceu hoxe unha xornada sobre a nova normativa de...

O Colexio de Arquitectos premia 15 obras galegas de nova planta, rehabilitación, decoración ou espazos abertos, entre outras categorías

Os gañadores recibirán o seu galardón esta tarde nun acto que se celebrará na sede do COAG en Santiago, a partir das 20:00 horas

Premios_COAG_Arquitectura
O Colexio Oficial de Arquitectos de Galicia (COAG) entrega esta tarde os Premios COAG de Arquitectura, que cumpren a súa decimoterceira edición co obxectivo de distinguir ás melloras obras da arquitectura galega do último bienio. O acto de entrega de premios e a inauguración da exposición das obras premiadas terá lugar ás 20:00 horas na Casa da Conga de Santiago. Estarán presentes o decano do COAG, Celestino García Braña; o secretario, Alfredo González Cascallana; e o seu tesoureiro, José Antonio González. Ademais, está prevista a asistencia do alcalde de Santiago de Compostela, Xosé A. Sánchez Bugallo, e da concelleira de Cultura da cidade, Socorro García.

Os proxectos visados polo Colexio de Arquitectos de Galicia en 2009 descenderon un 61,84% en relación ao ano anterior

Presentacin_Visados_2009_esquerda_Antonio_Freire_e_dereita_Jos_Antonio_GonzlezO Colexio de Arquitectos de Galicia (COAG) presentou esta mañá os datos e a publicación sobre a Evolución do visado e o estado urbanístico de todas as comarcas e concellos de Galicia no segundo semestre de 2009 e acumulado anterior. Na rolda de prensa, que se celebrou na sede central da praza da Quintana, participaron o tesoureiro da Xunta de Goberno do COAG, José Antonio González González; o presidente da Comisión de Visado do COAG, Antonio Freire Romero; ademais do equipo técnico da web de planeamento urbanístico da entidade colexial, dirixido polo coordinador técnico do COAG, Alberto Escobar.

En 2009, o COAG visou un total de 7.708 vivendas, 4.369 correspondentes ao primeiro semestre e 3.339 ao segundo, o que supón un descenso do 23,58% entre semestres. En contraste cos datos de 2008, ano no que se visaron 20.199 vivendas, o descenso sitúase nun 61,84%. Este descenso no número de visados de vivenda nos últimos seis meses afecta ás cidades atlánticas, excepto a Pontevedra que rexistra unha leve suba. Pola súa parte, as cidades de Ourense e Lugo rexistraron valores máis altos que nos primeiros seis meses, pero sen chegar a cifras de anos anteriores.

Ler máis: Os proxectos visados polo Colexio de Arquitectos de Galicia en 2009 descenderon un 61,84% en...

O Colexio de Arquitectos de Galicia programa nas súas sete delegacións xornadas técnicas sobre a normativa de habitabilidade

O Grupo de Traballo do Hábitat do COAG será o encargado de impartir os relatorios durante os meses de abril e maio

DatasO Colexio Oficial de Arquitectos de Galicia (COAG) organiza para os meses de abril e maio unhas xornadas técnicas sobre as “Novas Normas de Habitabilidade de Vivendas en Galicia”. Estas xornadas, que se celebrarán nas cidades onde se atopan as sete delegacións do COAG, estarán impartidas polo Grupo de Traballo do Hábitat do Colexio, composto por Eduardo Alonso, Patricia del Río, José Angel Hermo e Iñaqui Soto.

O Colexio de Arquitectos presenta os datos de visado do 2009 que reflicten a evolución do urbanismo nos concellos galegos

O Colexio de Arquitectos de Galicia (COAG) presenta mañá mércores, 24 de febreiro, os datos de vivendas visadas de 2009 e a publicación sobre a Evolución do visado e o estado urbanístico de todas as comarcas e concellos de Galicia no segundo semestre de 2009 e acumulado anterior. Na rolda de prensa estarán presentes o tesoureiro do COAG, José Antonio González González, e o presidente da Comisión de Visado do COAG, Antonio Freire Romero; ademais do equipo técnico da web de planeamento urbanístico da entidade colexial, dirixido polo coordinador técnico do COAG, Alberto Escobar.

Ademais das estatísticas de visado, o informe contén un breve comentario xeral que ofrece unha panorámica da situación actual no sector da construción e un acumulado dos datos presentados con anterioridade e que recollen, ademais dos visados do segundo semestre do ano, o cómputo global de 2009. Toda esta información, procesada e analizada por distintos profesionais do Colexio, permite coñecer a evolución e as previsións do mercado inmobiliario neste último ano, sendo de gran interese para todos os axentes relacionados coa edificación e o urbanismo.