A Fundación DOCOMOMO Ibérico inaugura mañá unha exposición en Madrid sobre equipamentos modernos construídos en España e Portugal entre 1925 e 1965

Detalles

Categoría: Colexio Arquitectos Galicia

Published: Mércores, 30 Xuño 2010 00:00

Escrito por Eva

Visitas: 723

A mostra recolle 84 obras de espazos destinados á ensinanza, administración pública, saúde e relixión

Galicia está presente con seis construcións dedicadas á ensinanza e á relixión

A Fundación DOCOMOMO Ibérico (Documentación e conservación do Movemento Moderno en España e Portugal) inaugura mañá en Madrid (Arquerías Nuevos Ministerios. Paseo de la Castellana 67) unha exposición  sobre o rexistro de equipamentos: “Lugares públicos e novos programas, 1925-1965”. O acto, que se celebrará a las 20:00 horas, contará coa presenza da ministra de Vivenda, Beatriz Corredor; o presidente do Consello Superior dos Colexios de Arquitectos de España (CSCAE); Jordi Ludevid i Anglada, e o presidente do Docomomo Ibérico, e á súa vez o decano do Colexio de Arquitectos de Galicia, Celestino García Braña.
Nesta mostra preséntase un traballo de investigación e documentación realizado pola Fundación DOCOMOMO Ibérico sobre os equipamentos modernos construídos en España e Portugal entre 1925 y 1965. Realizouse unha selección dos espazos dedicados á docencia, á saúde, á administración pública e a relixión; quedando pendentes para futuras presentacións espazos destinados ao comercio, o ocio, o turismo e o transporte. Esta mostra saca á luz un intenso traballo de campo e documentación por parte dun amplo grupo de especialistas distribuídos por toda a xeografía española e portuguesa, conseguindo reunir un extenso inventario, que recolle cerca de 600 obras e conxuntos realizados entre 1925 y 1965.

O Colexio de Arquitectos e o Concello de Vigo asinan un convenio para a posta en marcha dun proxecto de tramitación de licenzas dixitais

Detalles

Categoría: Colexio Arquitectos Galicia

Published: Luns, 07 Xuño 2010 00:00

Escrito por Eva

Visitas: 748

Comezará a aplicarse desde mañá en todos os ámbitos profesionais que deban someterse a licenza urbanística ou revisión municipal

É unha ferramenta que permite aforrar tempo e custos e favorece unha maior transparencia

O Colexio de Arquitectos de Galicia (COAG) e o Concello de Vigo asinaron hoxe un convenio de colaboración para traballar conxuntamente na implantación do sistema de obtención de licenzas dixitais en todo o ámbito da edificación municipal. Trátase dun proxecto piloto para o intercambio telemático de información que comezará a funcionar a partir de mañá martes, 8 de xuño. O acto, que se celebrou na casa consistorial viguesa, estivo presidido polo alcade do Concello de Vigo, Abel Caballero; o decano do COAG, Celestino García Braña; ademais do concelleiro de Urbanismo, José Manuel Mariño; o presidente da delegación de Vigo do COAG, Salvador Fraga; e o vogal da Xunta de Goberno do colexio, Mariano de Labra.

O Colexio de Arquitectos celebra o décimo aniversario do proxectoterra cunha exposición deste programa educativo

Detalles

Categoría: Colexio Arquitectos Galicia

Published: Luns, 14 Xuño 2010 00:00

Escrito por Eva

Visitas: 790

O presidente da Xunta, Núñez Feijóo, e o decano do COAG, García Braña, inauguraron esta tarde a mostra na sede colexial de A Quintana

O proxectoterra, que versa sobre arquitectura e territorio, desenvolveu neste tempo 400 actividades nas que participaron 17.500 escolares de toda Galicia

Celestino García Braña:

“Estamos no límite das posibilidades para canalizar axeitadamente o desenvolvemento no noso territorio, a través do convencemento, a determinación e acordos de longo alcance”

O Colexio de Arquitectos de Galicia (COAG) inaugurou esta tarde na súa sala de exposicións a mostra “Dez anos do proxectoterra” co obxecto de amosar o traballo e os resultados logrados a modo de balance deste tempo. O proxectoterra naceu en xaneiro do ano 2000 co ánimo de contribuír a que os escolares e toda a cidadanía  perciban a arquitectura e o territorio como piares básicos da cultura. A exposición presenta todo o material elaborado ata o momento a través de documentación impresa e audiovisual.

O Colexio de Arquitectos proponlle á Xunta de Galicia estender o visado dixital á Administración autonómica e local

Detalles

Categoría: Colexio Arquitectos Galicia

Published: Martes, 18 Mai 2010 14:50

Escrito por Eva

Visitas: 738

É unha ferramenta que permitiría “axilizar trámites e licenzas, aforrar tempo e custos e favorecer o control da legalidade urbanística”

A entidade recibiu o certificado de calidade ISO 9001 de AENOR para o proceso de visado nun acto celebrado hoxe en presenza do Conselleiro de Presidencia

O Colexio de Arquitectos de Galicia (COAG) recibiu hoxe o Certificado de Xestión da Calidade da Norma ISO 9001, outorgada por AENOR (Asociación Española de Normalización e Certificación), para a prestación dos servizos de visado, supervisión documental e técnica dos traballos profesionais dos colexiados. Foi no decurso dun concorrido acto celebrado na súa sede compostelá presidido polo conselleiro de Presidencia, Alfonso Rueda, e o decano do Colexio, Celestino García Braña, acompañados polo director de Novos Produtos de AENOR, Jaime Fontanals, así como o tesoureiro e secretario do COAG, José Antonio González e Alfredo González Cascallana, respectivamente.

Ler máis: O Colexio de Arquitectos proponlle á Xunta de Galicia estender o visado dixital á Administración...