As Delegacións de Vigo e Pontevedra do Colexio de Arquitectos entregan mañá os premios Gran de Area na casa consistorial de Campo Lameiro, obra premiada na pasada edición
- Detalles
- Categoría: Colexio Arquitectos Galicia
- Published: Xoves, 25 Outubro 2012 16:34
- Visitas: 615
Por primeira vez entregaranse os premios nunha obra galardoada, “un modo de achegar a arquitectura á sociedade”
O acto celebrarase ás 18:00 horas no salón de plenos do concello
As Delegacións de Vigo e Pontevedra do Colexio de Arquitectos de Galicia celebran mañá venres, 26 de outubro, a entrega dos premios Gran de Area 2012. O evento celebrarase ás 18:00 horas no salón de plenos do edificio do Concello de Campo Lameiro. Ao acto acudirán o presidente da Delegación de Pontevedra do Colexio de Arquitectos, Manuel Abelleira; o seu homólogo vigués, Martín de Cominges; acompañados polas súas respectivas xuntas directivas. Tamén asistirá a secretaría Xeral de Urbanismo, Encarnación Rivas; o alcalde de Campo Lameiro, Julio Sayáns; ademais dos arquitectos premiados e os promotores das obras.
Segundo explican as xuntas directivas das Delegación de Pontevedra e Vigo, este ano elexiuse a casa consistorial do Concello de Campo Lameiro para albergar a entrega de premios co obxecto de potenciar a arquitectura premiada en pasadas edicións. A Casa consistorial de Campo Lameiro e a recuperación da súa carballeira, obra de Rodríguez + Pintos arquitectos SLP, foi premiada na edición de 2011. “É a primeira ocasión na que se entregarán os galardóns nunha obra premiada, un modo de achegar aínda máis a arquitectura á sociedade, aproximándonos ao rural e poñendo en valor arquitecturas xa destacadas no seu momento” –explican as xuntas directivas–.
Os premios Gran De Area de Aportación á Arquitectura, convocados por segundo ano consecutivo de forma conxunta por ambas delegacións, supoñen un recoñecemento a nivel provincial dos arquitectos e promotores polo labor conxunto para obter, ademais dun produto, “unha expresión arquitectónica do feito cultural actual” –apuntan desde a organización–. Nesta edición presentáronse 69 propostas, tanto de obra construída como proxectos, resultando gañadores once, oito na categoría de obra executada, e tres na de proxectos.
Os premiados son os seguintes:
Categoría Obra executada:
1.- Piso de Príncipe. (Vigo). Arquitectos: María Gracia Amandi Joglar.
2.- Centro cívico de Teis. (Vigo). Arquitectos: Belinda Besada y Marister Failde, BMJ arquitectos.
3.- Renovación del parque y jardín y carballeira en Caldas de Reis. Arquitectos: Martín Cerreda Álvarez y Natalia Lorenzo Nova.
4.- Vivienda unifamiliar en Villasobroso. (Mondariz). Arquitecto: Domingo Couto Toucedo.
5.- Vivienda en Tebra. (Tomiño). Arquitectos: Irisarri + Piñera.
6.- Casa X2. ( Barro). Arquitectos: Estudio MMASA [Patricia Muñiz + Luciano G. Alfaya].
7.- Reforma piso en Gran Vía. (Vigo). Arquitecto: José Luis Quintela Porro.
8. La Barbería de Raúl. (A Estrada). Arquitectos: Juan José Taboada Castro y Miguel Camba Constenla.
Categoría Proxectos:
9.- Unidad nido. (sin localización). Arquitectos: Jordi Castro Andrade, María González Ferro (Castroferro arquitectos), Iago Fernández Penado.
10. Vivienda unifamiliar en Domaio. ( Moaña). Arquitecto: Victor M. González Magdalena.
11. Rehabilitación y ampliación de vivienda unifamiliar en Donas. (Gondomar). Arquitecto: Antonio Soliño Troncoso.