O colectivo Zuloark falará mañá en Lugo sobre UrbanLeaks, un proxecto onde arquitectos autodidactas traballan na cidade como “una realidad compleja”
- Detalles
- Categoría: Colexio Arquitectos Galicia
- Published: Mércores, 10 Outubro 2012 15:31
- Visitas: 534
Colectivo Zuloark:
“Analizamos experiencias de éxito y de fracaso en el tratamiento de las ciudades, para aprender de la práctica, y tratamos de prototipar esas acciones para que puedan ser replicadas en distintos lugares”
O ciclo Xentes, espazos e lugares do Colexio de Arquitectos de Galicia ofrece mañá na Delegación de Lugo do Colexio de Arquitectos esta conferencia, ás 19:30 horas
O Colexio de Arquitectos de Galicia continúa mañá en Lugo co ciclo Xentes, espazos e lugares, un programa de actividades vencellado ao Proxecto Terra co que se pretende implicar á sociedade galega no coñecemento do territorio e a realidade urbana. O Colectivo Zuloark ofrecerá mañá xoves, 11 de outubro, ás 19:30 horas, unha conferencia na Delegación de Lugo do Colexio de Arquitectos (rúa Puro Cora Xornalistas, 1. Lugo), titulada “Urbanleaks”.
Segundo explican os membros deste colectivo, Zuloark é unha plataforma de traballo cunha composición inestable de integrantes que serve de apoio para traballar, investigar e aprender, "juntando los conocimientos y experiencias” de cada unha das partes, para así multiplicar os puntos de vista desde os que se abordan os proxectos e tratar a súa complexidade.O colectivo, formado maioritariamente por estudantes de arquitectura con núcleos estables en Madrid e Berlín, comezou a funcionar en 2001 realizando proxectos de moi distinto tipo, pero sempre segundo uns criterios compartidos e experimentando a arquitectura en todas as súas formas posibles e incorporándoa á vida cotiá da cidade en modos imaxinativos e moi participativos.
Prototipar experiencias urbanas
O proxecto UrbanLeaks (http://urbanleaks.org) aparece nun momento no que o colectivo Zuloark descubre que gran parte do traballo e os seus intereses se volcan na cidade e que realmente, aínda que con formación das Escolas de Arquitectura, gran parte dos seus coñecementos sobre urbanismo proceden de traballar de forma autodidacta na cidade como “una realidad compleja”.
Fundamentalmente, Zuloark centra a busca desas experiencias naquelas cousas que supoñen un gran investimento económico pero tratna problemas de alto impacto social, un aspecto moi importante nestes tempo de crise.
Xentes, espazos e lugares ponse en marcha cun ciclo de conferencias polas cidades galegas, abertas ao público e de carácter gratuíto, no que se abordan a paisaxe, a cidade, a ocupación do territorio, o urbanismo ecolóxico, a xeografía urbana e mesmo arquitectura para nenos.