A Cámara de Comercio de Santiago impartirá 81 accións formativas no segundo semestre do ano
- Detalles
- Categoría: Cámara Santiago
- Published: Mércores, 11 Agosto 2010 11:06
- Visitas: 658
A oferta formativa centrarase en temas de informática, contabilidade, comercio e innovación
A Cámara de Comercio, Industria e Navegación de Santiago de Compostela presenta a súa programación de cursos para o segundo semestre deste ano. Un total de 81 actividades, entre xornadas, seminarios e cursos, conforman a programación para estes seis meses de 2010.
O obxectivo prioritario destes cursos é contribuír a elevar o nivel profesional do empresario e os seus colaboradores nos distintos campos do negocio e mellorar a capacidade profesional do empregado ou daquelas persoas que queiran incorporarse ao mundo laboral. Non é necesaria titulación para asistir a estes cursos, pero si certos coñecementos básicos para poder seguilos con eficacia. Aos alumnos que superen positivamente os cursos, asistindo como mínimo ao 80% das clases, outorgaráselles un diploma ou certificado.
Os cursos propoñen unha variada e interesante oferta de temas:
- Informática e novas tecnoloxías
- Comercio e distribución
- Comercio Internacional
- Contabilidade e fiscalidade
- Emprendedores (Viveiro de Empresas)
- Idiomas
- Innovación
- Medio Ambiente
- Persoal e Recursos humanos
- Outras xornadas en colaboración con organismos e institucións
- Antena Local de Boiro
- Teleformación
- Informática e novas tecnoloxías
- Comercio e distribución
- Comercio Internacional
- Contabilidade e fiscalidade
- Idiomas
- Innovación
- Persoal e Recursos humanos
- Turismo e hostalería
As inscricións pódense formalizar ata tres días antes do inicio do curso, sempre e cando existan prazas, xa que son limitadas. As cancelacións que se realicen antes de 5 días do comezo de cada curso ou seminario serán reembolsadas. [As datas e horarios, de carácter orientativo, figuran no tríptico que se xunta]. Poden dirixirse ás dependencias da Cámara de Comercio de Santiago de Compostela, na rúa San Pedro de Mezonzo, 44-baixo, ou a través do número de teléfono 981 59 68 00.