Un sistema de microcoxeración permite autoproducir enerxía eléctrica e térmica nunha vivenda unifamiliar
- Detalles
- Categoría: Arquitectos de Santiago
- Published: Venres, 05 Novembro 2010 13:31
- Visitas: 895
Christoph Kleeberger: “A calefacción e auga quente sanitaria nunha casa supón o 60% da enerxía utilizada”
A empresa Cortizo centrou o seu relatorio nun traballo en Cantabria onde se aportaron solucións construtivas con sitemas de captación de enerxía e de protección solar para conseguir aforro de recursos enerxéticos
A Delegación de Santiago do Colexio Oficial de Arquitectos de Galicia (COAG) continuou hoxe coa segunda xornada bioclimática, composta por dúas sesións informativas, ás 19:00 e ás 20:30 horas.
En primeiro lugar, dous membros da empresa Aluminios Cortizo, o director de Arquitectura e Enxeñería, Domingo Brión, e a responsable de Cortizo-Formación, Inés Rey, ofreceron un relatorio sobre a arquitectura bioclimática low cost. Expuxeron un caso práctico, un traballo que desenvolveu a empresa no Parque Científico y Tecnológico de Cantabria (PCTCAN) en 2009. Actuaron en dous edificios xemelgos destinados a albergar empresas de informática da industria automobilística. A construción estaba composta por unha fachada cerámica que permitía moita entrada de calor, pero que en determinadas épocas do ano sufría sobrequencemento. A empresa Cortizo centrou o seu relatorio nun traballo en Cantabria onde se aportaron solucións construtivas con sitemas de captación de enerxía e de protección solar para conseguir aforro de recursos enerxéticos
A Delegación de Santiago do Colexio Oficial de Arquitectos de Galicia (COAG) continuou hoxe coa segunda xornada bioclimática, composta por dúas sesións informativas, ás 19:00 e ás 20:30 horas.
“Realizamos unha serie de estudos para determinar que produtos eran os máis axeitados e concluímos que o ideal era unha fachada ventilada que permitise o quecemento pero sen esixir máis refrixeración interior; tamén un lucernario de dúas augas no centro do edificio para fomentar o aforro enerxético coa luz natural” –explicou Brión. Ademais, os enxeñeiros de Cortizo decidiron instalar na parte exterior do lucernario unhas lamas elípticas de protección solar para evitar o sobrequecemento nos meses de verán.
Autoxeración de enerxía e climatización en edificios
A continuación, tocoulle o turno ao enxeñeiro alemán Christoph Kleeberger para falar sobre enerxías renovables, coxeneración e climatización nos edificos. Fixo un repaso polo abano de enerxías renovables dispoñibles para climatizar edificios, ofrecendo unha revisión polas vantaxes e desvantaxes de cada tecnoloxía: xeotermia, biomasa, solar térmica ou MicroCoxeneración.
Segundo Kleeberger hai grandes oportunidades no sector doméstico para aforrar en gastos de funcionamento, aproveitando o potencial da eficiencia enerxética e as enerxías renovables. “Tanto en obra nova como en reforma, a calefacción e auga quente sanitaria (ACS) dunha vivenda supón ao redor do 60% da enerxía utilizada. Esta enerxía provén do gas natural e outros combustibles derivados do petróleo” –explicou Kleeberger. Neste punto, o experto indicou que é posible autoproducir enerxía eléctrica e térmica mediante a “microcoxeración” en edificios particulares. “A técnica baséase en utilizar a calor que se produce ao converter a enerxía dun combustible en electricidade, á vez como fonte de enerxía” –indicou.
Para todos estes usos a eficiencia enerxética puede ser incrementada amplamente e as enerxías renovables poden ser facilmente aproveitadas mediante o uso de tecnoloxías simples e efectivas.
Christoph Kleeberger é Enxeñeiro Industrial Superior, titulado en Alemaña na especialidade de "Tecnoloxías enérxeticas". Estivo traballando máis dun ano en investigación no seu país, e fa sói tres que chegou a Santiago. Agora é xefe de Produto (Product Manager) para enerxías renovables do Grupo Cliber.