Melide convértese en referencia comarcal para a creación de empresas cun viveiro que abrirá as súas portas despois do verán
- Detalles
- Categoría: Cámara Comercio Santiago
- Published: Martes, 24 Marzo 2015 15:52
- Escrito por Eva
- Visitas: 324
Disporá de cinco módulos de traballo e unha sala común no edificio Multiusos
A Cámara de Comercio de Santiago ofrecerá asesoramento e acompañamento aos emprendedores
O presidente da Cámara de Comercio, Industria, Servizos e Navegación de Santiago de Compostela, Jesús Asorey, e a alcaldesa de Melide, Ánxeles Vázquez, visitaron hoxe as instalacións do edificio Multiusos (Praza das Universidades s/n) onde se situará o futuro viveiro de empresas da vila. Na visita tamén participaron o secretario xeral da entidade cameral, Fernando Barros, e o concelleiro de Promoción Económica de Melide, Santos López. Este proxecto conta coa colaboración da Cámara de Comecio de Santiago e a Fundación Instituto Cameral para a Creación de Empresas e Desenvolvemento da Empresa (Fundación Incyde), e o financiamento de fondos Feder e o consistorio municipal.