A Cámara de Comercio e o Concello de Santiago ofrecerán xornadas de fomento do espírito emprendedor para os alumnos de secundaria e formación profesional

Detalles

Categoría: Cámara Comercio Santiago

Published: Mércores, 25 Setembro 2013 12:26

Escrito por Eva

Visitas: 346

As charlas divulgativas en centros escolares e as visitas guiadas ao viveiro de empresas de Costa Vella celebraranse no último trimestre do ano

Jesús Asorey e Reyes Leis asinaron un acordo de colaboración para fomentar o autoemprego e o emprendemento

A Cámara de Comercio, Industria e Navegación e o Concello de Santiago de Compostela asisnaron hoxe un acordo de colaboración para a realización dun programa de Dinamización e Fomento do Espírito Emprendedor no Ámbito Educativo. No acto de sinatura participaron o presidente cameral, Jesús Asorey, e a concelleira de Economía, Emprego, Comercio, Turismo e Mercados, Reyes Leis.

Ler máis: A Cámara de Comercio e o Concello de Santiago ofrecerán xornadas de fomento do espírito...

A contabilidade e as follas de cálculo serán as temáticas de dous cursos que comezan o luns na Cámara de Comercio de Santiago

Detalles

Categoría: Cámara Comercio Santiago

Published: Sábado, 21 Setembro 2013 13:29

Escrito por Eva

Visitas: 368

A Cámara de Comercio, Industria e Navegación de Santiago de Compostela dará comezo o luns, 23 de setembro, dous cursos formativos sobre contabilidade xeral e manexo de Excel, que se impartirán nas aulas formativas da entidade (rúa San Pedro de Mezonzo, 37¬- baixo), dirixidos a directivos e empregados de empresas da área cameral de Compostela que poderán beneficiarse de descontos de ata o 30 por cento, ao igual que as persoas en desemprego dispostas a actualizar a súa formación empresarial.

O primeiro curso, titulado “Curso básico de contabilidade xeral”, impartirase ata o 8 de outubro en horario de 20:00 a 22:00 horas, a cargo das directivas da empresa C & B Asociados Consultoría Laboral, Fiscal y Contable, Ana Barreiro e Begoña Costa. O obxectivo que se persegue é ofrecer uns coñecementos amplios de xestión empresarial dentro do ámbito financiero para que calquera asistente alcance un nivel axeitado para poder desempeñar labores propias dun departamento de admistración. O curso, de 20 horas de duración, está dirixido a persoas con coñecementos contables que desexen unha ampliación de conceptos, cun temario baseado no novo plan xeral contable e outros aspectos básicos da contabilidade empresarial como o valor razoable, o inmovilizado, o peche contable dunha empresa ou as contas anuais.

Vantaxe competitiva

A segunda acción formativa que se inaugurará o luns será un curso sobre a “folla de cálculo: MS Excel paso a paso”. O curso impartirase ata o 3 de outubro, en horario de 20:00 a 22:00 horas, a cargo do experto en materia informática Emiliano Gómez, que explica que este programa supón unha vantaxe competitiva porque as empresas que o utilizan alcanzan unha xestión eficaz. Este curso práctico, que conta de 16 horas lectivas, está dirixido a calquera persoa que por motivos de traballo ou por curiosidade esté interesada en aprender o manexo do Excel  para realizar operacións e cálculos. Os principais destinatarios son profesionais, directivos e cargos intermedios que queiran explorar o uso deste programa informático.

A Cámara de Comercio de Santiago programa unha misión comercial a Senegal, un país moi atractivo para as empresas galegas

Detalles

Categoría: Cámara Comercio Santiago

Published: Xoves, 19 Setembro 2013 11:47

Escrito por Eva

Visitas: 348

As importacións do país van en aumento, centradas en produtos alimenticios,  automóbiles e maquinaria eléctrica

O vindeiro luns-23 remata o prazo de inscrición

A Cámara de Comercio, Industria e Navegación de Santiago de Compostela organiza unha misión comercial plurisectorial a Senegal entre os días 4 e 8 de novembro, coordinada pola técnico de internacionalización cameral, Loly Villoch. A acción de internacionalización desenvólvese dentro do Plan de Fomento das Exportacións Galegas (FOEXGA), patrocinada pola Consellería de Economía e Industria da Xunta de Galicia a través de Fondos Feder. As empresas interesadas teñen ata o luns-23 de setembro para inscribirse.

Ler máis: A Cámara de Comercio de Santiago programa unha misión comercial a Senegal, un país moi atractivo...

A Cámara de Comercio de Santiago aposta pola competitividade do sector comercial cun plan de apoio ao comercio minorista

Detalles

Categoría: Cámara Comercio Santiago

Published: Martes, 17 Setembro 2013 11:28

Escrito por Eva

Visitas: 383

Traballarán sobre tres liñas de actuación baseadas no diagnóstico de punto de venda, plans titoriais de xestión e relevo no comercio

A entidade organiza a próxima semana un taller sobre a innovación na xestión eficiente dun comercio [xoves-26, no salón de actos]

A Cámara de Comercio, Industria e Navegación de Santiago de Compostela pon en marcha un plan de apoio ao comercio minorista. Este plan é resultado dun convenio de colaboración entre a Secretaría de Estado de Comercio e o Consejo Superior de Cámaras, e ten  por obxecto desenvolver actividades no marco do Plan Integral de Apoyo a la Competitividad del Comercio Minorista de España 2013.

Ler máis: A Cámara de Comercio de Santiago aposta pola competitividade do sector comercial cun plan de apoio...

A Cámara de Comercio e a Asociación de Periodistas de Santiago pecharon hoxe un acordo para impulsar a promoción de Compostela como “centro económico, cultural, espiritual e turístico de Europa”

Detalles

Categoría: Cámara Comercio Santiago

Published: Martes, 10 Setembro 2013 12:41

Escrito por Eva

Visitas: 319

Realizaranse cursos formativos e celebrarase un ciclo de conferencias con prestixiosos profesionais da comunicación

A Cámara de Comercio, Industria e Navegación de Santiago de Compostela e a Asociación de Periodistas de Santiago (APSC) asinaron hoxe na entidade cameral un acordo para establecer e definir canles formais de relación entre as dúas organizacións, co obxecto de aunar forzas para construír, difundir e promocionar a cidade de Santiago de Compostela desde un punto de vista económico, empresarial, cultural e patrimonial. A rúbrica do acordo foi realizada polo presidente da Cámara de Comercio de Santiago, Jesús Asorey, e o presidente da Asociación de Periodistas de Santiago, Luis Menéndez Villalva. Ademais, ao acto asistiu o secretario xeral da Cámara de Comercio, Fernando Barros, o vicepresidente da APSC, José Francisco Rodil Lombardía, e o vogal da asociación Juan Salgado.

Ler máis: A Cámara de Comercio e a Asociación de Periodistas de Santiago pecharon hoxe un acordo para...