- Detalles
-
Categoría: Cámara Comercio Santiago
-
Published: Martes, 08 Outubro 2013 16:08
-
Escrito por Eva
-
Visitas: 362
O programa comezará a desenvolverse o 24 de outubro
O presidente da Cámara de Comercio, Industria e Navegación de Santiago de Compostela, Jesús Asorey, a concelleira de Economía, Emprego, Comercio, Turismo e Mercados, Reyes Leis; e o o director da Fundación Instituto Cameral para a Creación e Desenvolvemento da Empresa (Fundación Incyde), Javier Collado, asinaron un convenio de colaboración para a posta en marcha dun programa para a creación e consolidación de empresas e autoemprego.
Este programa está dirixido a emprendedores que desexen facer un proxecto viable de creación de empresa, así coma aos empresarios/as que queiran consolidar o seu negocio, mellorar a rendibilidade da súa empresa e avaliar outras alternativas de expansión. Para iso, a Cámara de Comercio e a Fundación INCYDE, farán un programa de formación dirixido á creación e consolidación de empresas e o autoemprego. O Concello apoia esta iniciativa, que se suma ao traballo de asesoramento e de fomento da cultura emprendedora que xa se vén realizando dende o Cersia Empresa, segundo lembrou Reyes Leis.
Javier Collado explicou que haberá un máximo de 25 prazas neste programa. A selección realizarase entre os inscritos en base a unha entrevista, na que se avaliarán as posibilidades dos proxectos presentados.
Os seleccionados participarán ao longo duns tres meses nun programa que inclúe consultorías individualizadas e adaptadas á propia dispoñibilidade horaria dos participantes, e formación en diversas materias de xestión. O programa comezará a desenvolverse o 24 deste mes de outubro. Ademais, superados estes tres meses, apuntou Jesús Asorey, a Cámara seguirá prestando asesoramento a estes emprendedores durante dous anos, ofrecéndolles tamén a posibilidade de aloxarse no viveiro de empresas da entidade.
Fomento emprendedor de proxectos culturais
Por outra parte, a Cámara de Comercio de Santiago de Compostela e a Fundación Cidade da Cultura de Galicia clausuraron hoxe o Programa de creación e consolidación de industrias culturais e creativas, que se impartiu este ano de forma gratuíta no Gaiás. Ao acto de entrega de dipliomas asistiron o presidente da Cámara de Comercio de Santiago, Jesús Asorey; a directora xerente da Fundación Cidade da Cultura de Galicia, Beatriz González Loroño; e o director da Fundación Incyde (Instituto Cameral para la Creación y Desarrollo de la Empresa), Javier Collado, o secretario cameral, Fernando Barros, ademais dos alumnos do curso. Esta acción formativa estivo cofinanciada pola Fundación da Cidade da Cultura de Galicia e o Fondo Social Europeo.
O curso contou coa participación de 27 alumnos que presentaron 25 proxectos empresariais relacionados con temas culturais e creativos de diversos sectores como a arte, teatro, música, danza, audiovisual, sector editorial, novas tecnoloxías ou deseño. O emprendedor Pablo Grela realizou unha exposición do súa idea de negocio “Experiencias Culturales”.
A Cámara de Comercio de Santiago colaboro una organización este curso para tratar de satisfacer a crecente demanda deste tipo de pequenas empresas culturais cun enfoque altamente creativo e novos modelos de financiamento e xestión “novidosos e máis eficientes” para actualizar os procesos de produción, distribución, exhibición e difusión dos produtos culturais.
O embaixador de India en España, Sunil Lal, definiu o seu país como “un destino atractivo para inversores” 
A entidade cameral organizará unha conferencia sobre a Lei de Emprendedores nos próximos meses
O director de comercio exterior do Banco Sabadell, Javier Balbín, impartirá esta sesión 
As exportacións galegas incrementáronse un 19 por cento no primeiro semestre do ano