A Cámara de Comercio crea un código de boas prácticas para acreditar a súa “imparcialidade e transparencia” en beneficio dos intereses das empresas da demarcación
- Detalles
- Categoría: Cámara Comercio Santiago
- Published: Luns, 24 Agosto 2015 12:35
- Escrito por Eva
- Visitas: 379
Os órganos de goberno, directivos e traballadores deberán respectar, cun comportamento ético, os principios de conduta e as obrigas no desenvolvemento das súas funcións
A Cámara de Comercio, Industria, Servizos e Navegación de Santiago de Compostela elaborou un código de boas prácticas onde se establecen as normas de conduta e obrigas que deben respectar os órganos de goberno da institución, e por extensión, toda a organización. Este código créase para garantir a “imparcialidade e transparencia” no desenvolvemento das funcións público-administrativas e ofrecer unha mellor representación, promoción e defensa do intereses xerais, sempre cun comportamento ético, da industria, comercio, navegación e os servizos da súa demarcación. Aplicarase a todos os actos e relacións dos membros dos órganos de goberno (Pleno e Comité Executivo) da Cámara, directivos e demais traballadores internos que manteñan entre si ou con otras organizacións, como as Administracións Públicas, os medios de comunicación ou outras persoas e institucións, relacións no desenvolvemento das súas funcións.
Realizará dez diagnósticos para analizar os puntos fortes e débiles das empresas e suxerir melloras
As entidades de Santiago e Coruña asinaron un concerto intercameral para desenvolver estas actuacións ante a imposibilidade da Cámara lucense
A remodelación prevista polo Ministerio de Fomento sería para o colectivo unha actuación que “compromete ou mesmo impide o futuro da intermodalidade”
As empresas Feiraco, Finsa e Migón Ecoenergías interesáronse pola situación das enerxías renovables e o sector lácteo