Inicio

Detalles

Categoría: Cámara Comercio Santiago

Published: Luns, 27 Xullo 2015 10:43

Escrito por Eva

Visitas: 425

As entidades de Santiago e Coruña asinaron un concerto intercameral para desenvolver estas actuacións ante a imposibilidade da Cámara lucense

A Cámara de Comercio, Industria, Servizos e Navegación de Santiago de Compostela executará os programas de innovación LeanCámaras e e-Administración para que as pemes, micropemes e autónomos da demarcación de Lugo poidan beneficiarse da incorporación das TICs. Ante a imposibilidade da entidade lucense de aportar os recursos materiais e humanos necesarios para realizar as actuacións destes programas, as Cámaras de Santiago e A Coruña estableceron un concerto intercameral para regular os termos de colaboración e así desenvolver os programas TIC Cámaras, InnoCámaras, Lean Cámaras e e-Administración.

O programa LeanCámaras axuda ás pemes industriais a mellorar a súa competitividade, mediante o desenvolvemento subvencionado de “Plans de axuda á mellora baseados na metodoloxía Lean Manufacturing” para a adopción dunha cultura centrada na busca constante da eficiencia. A empresa contará cun consultor experto en Lean Manufacturing que a guiará ao longo de todo o proceso de implantación do plan. Está financiado ao 80% polo Fondo Europeo de Desenvolvemento Rexional (FEDER) da Unión Europea e ao 20% pola Xunta de Galicia e as propias empresas beneficiarias.

As empresas de Lugo poderán reducir entre un 10 e un 30% os seus custos unitarios; acadarán tamén un incremento da produtividade, mellorarán a calidade do producto e os resultados na resolución de problemas; perseguerán unha reducción dos procesos, unha optimización dos medios de produción e da man de obra directa e indirecta, unha minimización de stocks e de transportes internos; ademais de acadar unha mellora dos prazos de entrega, reducción do espazo utilizado e unha mellora do clima laboral. Sumado a estas melloras a curto prazo, as empresas da provincia desenvolverán un sistema de excelencia baseado en estándares transversales compartidos por toda a organización.

Servizos e ferramentas dixitais completas

A Cámara de Santiago será a responsable de ofrecer ás empresas de Lugo o programa e-Administración, orientado ao fomento da administración electrónica nas pequenas e medianas empresas, microempresas e autónomos da demarcación. É unha iniciativa cofinanciada por fondos Feder da Unión Europea.

O obxecto principal do programa é fomentar o uso da administración electrónica, a facturación electrónica e a firma dixital para achegar a Administración Pública ás empresas e maximizar a mellora da súa produtividade e competitividade, a través de servizos electrónicos completos. Para alcanzar este propósito, o plan impulsará que as empresas adopten metodoloxías para incorporar a mellora de procesos e o uso das ferramentas relacionadas coa administración electónica de modo sistemático a súa actividade empresarial habitual.    

Este programa ten unha fase de consultoría de mellora de procesos onde se realizará un diagnóstico aisitido e personalizado ás empresas participantes.Trátase dunha análise dos procesos da empresa para determinar os aspectos nos que a e-Administración pode contribuír á mellora da productividade e competividade, facilitando a reducción de cargas administrativas, axilidade nos procedimientos con AAPP, automatización de procesos que incorporen evidencias electrónicas certificadas (firma dixital, selo de tempo, notificaciones electrónicas certificadas...) que garantan a súa seguridade xurídica de e a posibilidade de implementar a facturación electrónica.

Unha vez relizado o diagnóstico elaborarase un documento de mellora de procesos que servizá de guía para a fase de implantación en plataforma de servizos. Nesta fase, a empresa beneficiaria poderá relizar trámites coas AAPP, facturar electronicamente, automatizar procesos internos e realizar transaccións mercantís coas certificacións xurídicas necesarias. O custo da implantación destas solucións será dun máximo de 1.000 euros.

Máis información: www.camaracompestela.com e no teléfono 981 596 800