Inicio

Detalles

Categoría: Cámara Comercio Santiago

Published: Martes, 22 Outubro 2013 16:22

Escrito por Eva

Visitas: 377

Aïnhoa Mallo, experta en coaching:

“O coaching é como o noso GPS vital, que indica o punto de saída e sinala o camiño a seguir para alcanzar as nosas metas”

A xornada celebrarase o próximo mércores-30 a partir das 10:00 horas

A Cámara de Comercio de Santiago ofrecerá o mércores, 30 de outubro, un seminario de Coaching: fixación de obxectivos e plan de acción. Esta xornada, que se celebrará entre as 10:00 e as 14:00 horas, estará impartida pola coach certificada, experta en talento e reorientación laboral e en comercio exterior, Aïnhoa Mallo, que achegará aos participantes esta ferramenta orientada a mellorar as súas habilidades e enfocada para conseguir os seus obxectivos persoais e profesionais ou empresariais.

Aïnhoa Mallo explica que o coaching é un proceso onde un observador externo acompaña á persoa para saber cal é o seu obxectivo laboral e averiguar porque aínda non o alcanzou. “O coaching é como o noso GPS vital, que indica o punto de saída e sinala o camiño a seguir para alcanzar as nosas metas” –sinala–.

O seminario está dirixido a persoas que queren alcanzar o éxito profesional e tamén persoal, a desempregados que pretenden reiniciar a súa actividade laboral e para empresarios ou emprendedores que desexen novas ferramentas para alcanzar os seus propósitos empresariais.

Segundo Mallo, este seminario vai máis alá do coaching e introdúcese no que a experta denomina Co:walking, unha especialidade clave para asegurar o éxito profesional. Trátase dunha viaxe en tres etapas principais que permite á persoa chegar desde a situación actual ata a desexada a través da fixación do obxectivo e a análise do punto de partida (diagnóstico de situación), a fase de desbloqueo para definir os obstáculos e atopar o xeito de superalos, e finalmente o plan de acción.

O coaching proporciona, no ámbito profesional, o desenvolvemento das persoas de maneira eficaz e estruturada. “Partindo do potencial interno de cada persoa, o coaching aporta novas visións e formas distintas de facer as cousas para alcanzar as metas e resultados desexados” –apunta Aïnhoa Mallo–. Entre outras, o coach traballará en ámbitos como reorientación profesional, conexión co talento interno, habilidades de comunicación, xestión do tempo ou intelixencia emocional.