Inicio

A Asociación de Balnearios de Galicia organiza un ciclo de música clásica en colaboración coa Consellería de Cultura, que se celebrará nos centros termais de Laias, Lobios, Guitiriz, Mondariz e La Toja

Músicos e formacións galegas interpretarán obras de compositores clásicos, así como romances con textos de Rosalía de Castro

A Asociación de Balnearios de Galicia organiza Música nos Balnearios de Galicia, un ciclo patrocinado pola Consellería de Cultura  e Educación e composto por cinco concertos de música clásica, que se celebrarán os días 7, 14 e 21 de decembro nos centros pontevedreses de La Toja e Mondariz, nos centros  ourensáns de Laias e Lobios e no lugués de Guitiriz.  Programáronse concertos que abranguen unha  representación significativa dos instrumentos orquestrais, ademais de voz e piano.

En diferentes formacións, escoitarase dende música con raíces galegas ata arranxos dos propios músicos de obras máis coñecidas do repertorio clásico. Cómpre salientar que neste ciclo todos os músicos participantes son galegos, coma mostra da súa calidade e de apoio á difusión dos artistas galegos, segundo indican dende a organización. “Achegar a denominada música culta ao público que se hospeda nos centros como oferta complementaria, mais tamén abrila aos melómanos das vilas termais e á sociedade en xeral constitúen o noso fin, como querendo lembrar a época dourada dos balnearios”, agregan.
 
PROGRAMA
 
Fernando Reyes e Mercedes Hernández
7 de decembro_20:30 horas
Balneario de Guitiriz
 
Fernando Reyes (tiorba e guitarra) e Mercedes Hernández (soprano).
 
Cantares Galegos. Rosalía de Castro, cantos e romances de Galicia
Airiños, airiños aires (CF129 - Rosalía de Castro)
Has de cantar (CF64 - Rosalía de Castro)
Axudádeme a cantare (tradicional)
Levaime amor (Luis de Milán, s. XVI)
Falai miña amor (Luis de Milán, s. XVI)
Non che canto por cantare (tradicional)
Campanas de Bastabales (CF146, CTB 185 - Rosalía de Castro)
Adios ríos, adios fontes (CTB 357 - Rosalía de Castro)
Folías gallegas (Santiago de Murcia, s. XVII)
Ábreme a portiña (canto de cego)
Vente sentar ó meu lado (tradicional)
Mais ó que ben quixo un día (Paxariños que voades, popular/Rosalía de Castro)
Gaitas (Ruiz de Riballaz, s. XVII)
Unha noite vindo do muíño (tradicional)
Cantan os galos pra o día (CTB 113)
Eu ben vin estar o moucho (CTB O demo cando rabea - Rosalía de Castro)
 
Trío Donax
7 de decembro de 2013_20 horas
Lobios Caldaria Hotel Balneario
 
Sonia Avilés e Guillermo Pérez (óboes), Alejandro Valcárcel (fagote).       
Formación pouco habitual que achega ao público versións de obras de grandes compositores cun fío condutor que alternan os dúos e os tríos.
 
            . Sonata nº1 en Fa Maior                                   J. D. Zelenka
              (Adagio ma non troppo – Allegro)
            . Largo Factotum                                              G. Rossini
            . Dúo sobre un tema da Frauta Máxica                 W. A. Mozart
            . Trío sonata en Sol menor                                 J. F. Fasch
            . Une voce poco fa                                           G. Rossini
            . Tango                                                           Manuel Martínez
 
Quinteto de metais Obrassdoiro
7 de decembro de 2013_20 horas
Laias Caldaria Hotel Balneario
 
Fernando Rey e José Rodríguez (trompetas), Ana Lores (trompa), Guzmán Lloréns (trombón) e Manuel Martínez (tuba)
           
            . Canzona                                                    G. Frescobaldi
            . Introduction and Postludiun                         A. Dvorak
            . Sea Sketches                                             I. MacDonald
            . Carmen                                                     G. Bizet
            . Variacións sobre un tema de Paganini             J. Barnes /arr.:J.R. Ramos